Skip to main content

யானை டாக்டர் புத்தக விமர்சனம்

 


ஒவ்வொரு புத்தகமும் ஒரு பயணம் என்பர். இன்று நாம் போகவிருக்கும் பயணம் மேற்கு தொடர்ச்சி மலை தொடரின் முதுமலை பகுதியின் டாப் ஸ்லிப்பில் உள்ள யானைகள் காப்பகத்திற்கு. சமகால கதை சொல்லிகளில் மிக முக்கியமான இடத்தில் உள்ள திரு பவா செல்லதுரை அவர்கள் தான் யானை டாக்டர் புத்தகத்தை  எனக்கு அறிமுகம் செய்துவைத்தவர்.

               டாக்டர் K எனப்படும் யானை டாக்டர் கிருஷ்ணமூர்த்தி அவர்களை குறித்த ஒரு ஆவணப் படத்தை புனைவு கலந்து  எழுதியிருக்கிறார் ஜெயமோகன் அவர்கள். IFS முடித்த ஒரு அலுவலர் டாக்டர் கே அவர்களுக்கு ஒரு பத்ம ஸ்ரீ விருது வாங்கித்தர வேண்டும் என்று முனைந்து தன்னால் இயன்ற வரையில் முயன்று கொண்டிருக்கிறார். காட்டில் வளர்ந்து கட்டின் ஒவ்வொரு பாதையும் தன் நரம்பென கொண்ட டாக்டர் K வெறும் சுழல் குழலில் பெறப்படும் பட்டமும் பதக்கமும் இந்த அறிவொளி பொருந்திய குழந்தைகளின் அன்பிற்கு முன் தூசெனும் சமம் ஆகாது என்று அவரை உணரச் செய்கிறார் என்பதே கதை சுருக்கம். முன்பு ஒருமுறை தனக்கு சிகிச்சை செய்த ஓர் மனிதனின் வாசனயை நினைவிற்கொண்டு அறுபது கிலோமீட்டர்கள் நடந்தே வந்து தன் குழுவில் உள்ள ஒரு குட்டிக்கு சிகிச்சை செய்ய சொல்லி முறையிடும் காட்சி நம்மை மிரட்சி கொள்ளச் செய்யும் கதையின் உச்சம். செல்வாவை டாக்டர் அறிமுகம் செய்யும் தருணமும் செந்நாய்க்கு மருத்துவர் சிகிச்சை செய்யும் காட்சியும் காட்டை பற்றிய அவரின் புரிதலை விவரிக்கும் இடங்கள்.

               என்றோ ஒருநாள் டாக்டர் அழுகிய யானையின் உடலை பிரேத பரிசோதனை செய்து கொண்டிருந்த காட்சியை கண்ட பின் அவர் அதே கைகளால் வழங்கும் தேனீரை குடிக்க தயங்குகிறான் என சாமானியன் காட்டிலிருந்து எப்படி அந்நியப்பட்டிருக்கிறான் என்ற இடத்தில் தொடங்கும் கதை. அவனது உடம்பிற்குள் அவனே அறியாமல் காட்டின் குருதியை மெல்ல மெல்ல செலுத்துகிறார் டாக்டர் K. பத்ம விருதிற்க்கு உதவுவதாய் கூறிய நண்பன் தோல்வி அடைந்து ஏமாற்றிய அமைச்சரை அந்த கிழநரி என்னை ஏமாற்றிவிட்டது என்று கூறும் போது இடை மறித்து "எந்த நரியும் அவ்வாறு தந்திரம் செய்யாது" என்று கூறி தொலைபேசியை துண்டிப்பதாய் கதை முடிவை எட்டுகிறது.

               சொல்வேந்திரன் அவர்களின் வசிப்பது எப்படி என்ற புத்தகத்தில் யானை டாக்டர் புத்தகத்தை பற்றி இவ்வாறு எழுதுகிறார். - "ஜெயமோகனின் யானை டாக்டர் புத்தகத்தை படித்த ஒருவன் ஒரு போதும் வனபகுதியில் கண்ணாடி புட்டில்கலை மறந்தும் கூட வீசி எறியமாட்டான். 

காட்டை பற்றியும் யானையை பற்றியும் மற்றுமொரு பரிமாணத்தை வாசிப்பவர் எய்துவார். அனைவரும் வசிக்கவேண்டிய நூல் யானை டாக்டர். ஜெயமோகன் அவர்களது இணைய தளத்தில் மின்னூல் ஆகவும் வெளியிட்டிருக்கிறார்.

https://www.jeyamohan.in/12433/

Labels:

Comments

Post a Comment

Popular posts from this blog

செய்நன்றி ❤️✨

எனது கல்லூரி துறைத்தலைவர் இப்போது Pollachi Institute of Engineering and Technology கல்வி ஆலோசகராக பணியாற்றுகிறார். அவர் அழைப்பின் பேரில் Pollachi Institute of Engineering and Technology என்ற கல்லூரியில் சென்ற திங்கள் அன்று முதலாம் ஆண்டு, மூன்றாம், நான்காம் ஆண்டு மாணவர்களிடம் உரையாற்றினேன். இதை சொன்னபோது சில நண்பர்கள் ஆர்வத்துடன் என்ன பேசப்போகிறேன் என்று கேட்டனர், 2 நாட்கள் உழைத்து தயார் செய்த உரையென்பதாலும் பொதுவான உரையென்பதாலும் முதலாம் ஆண்டு மாணவர்களிடம் ஆற்றிய உரையை இங்கு எழுதுகிறேன். (இது உரையின் எழுத்து வடிவம், சென்ற வாரம் கேட்டுக்கொண்டார்கள் என்பதை, “போன வாரம் கேட்டாங்க” என்று வாசிக்கவும்)  Dear Boys and girls சென்ற வாரம் mam அழைத்து முதலாம் ஆண்டு மாணவர்களிடம் பேசவேண்டும் என்று சொன்னபோது நான் கேட்ட முதல் கேள்வி ஆங்கிலத்திலா தமிழிலா என்று, பெரும்பாலான மாணவர்கள் தமிழ் வழியில் படித்தவர்கள் அதனால் தமிழ் ஆங்கிலம் கலந்து பேசும்படி சொன்னார். முழுதும் தமிழில் பேசினாலும் செயற்கையாக இருக்கும், முழுதும் ஆங்கிலத்தில் பேசினாலும் பின் தொடர்வதில் சிக்கல் இருக்கும். மறுநாள் தான் ஒப்புக்கொண்ட...
14 comments
Read more

தில்லை அகப்பயணம் ✨ 🤍

      தில்லை கிழக்கு கோபுரம்             ஆலயக்கலை ஆசிரியர் மற்றும் நண்பர்களுடன்  ஜனவரி 17-19, 2025  ஆகிய தேதிகளில்  சிதம்பரம், கங்கைகொண்ட சோழபுரம் பகுதிகளுக்கு  சென்றுவந்த  பயணக்கட்டுரை.            தில்லை அம்பலம் என்பது ஆதி சன்னிதானம். திருவாசக வகுப்பிலும் ஒவ்வொரு வழிபாட்டிலும் ஒற்றை இறகை போல நாவில் வந்தமரும் சொல்  திருச்சிற்றம்பலம்.  சைவர்களுக்கு அம்பலத்தாடும் இறைவன் முது மூத்தோன்.           மார்கழி விட்டு வைத்த பனி மிச்ச மீதியாக காற்றில் உறைந்திருந்தது. பிற்பகல் 1.30 மணிக்கு சிதம்பரம் ரயில் நிலையத்தில் குழுமி அங்கிருந்து தங்குமிடம் செல்வதாக முடிவு. ஆர்வ மிகுதியில் நான் தனியாக ஒரு சுற்று சென்று வரலாமென்று காலை 5.30 மணிக்கு மத்திய ரயில் நிலையத்தில் ரயிலேறி 7.30க்கு சிதம்பரம் சென்றுவிட்டேன். பயணம் முழுக்க இளம்பச்சை போர்வை இருமருங்கிலும். தஞ்சாவூர் நிலையத்தருகில் பெருவுடையார் கோயில் விமானம், மாயவரம் தாண்டும்போது மயூரநாதர் கோயில், வைத்தீ...
5 comments
Read more

குடமுழா குடவாயில் பாலசுப்ரமணியன் நூல்குறிப்பு

குடமுழா - நூல் குறிப்பு                     இந்திய வரலாறு குறித்து ஆய்வு முறைகள் 4 நிலைகளை கொண்டது. எழுத்தாளர் ஜெயமோகன் குடவாயில் பாலசுப்ரமணியன் குறித்த பாராட்டு விழா உரையில் தமிழக, இந்திய வரலாற்று எழுத்தின் முறைகளை இப்படி குறிப்பிடுகிறார்.  காலனியதிக்க வரலாறு - James Miller, JH Nelson போன்ற ஆங்கிலேயர்கள் இந்தியாவை குறித்து எழுதிய புறவயமான ஆய்வு முறை தேசிய வரலாறு - இந்தியர்கள் KA நீலகண்ட சாஸ்திரி TV சதாசிவ பண்டாரத்தார் போன்ற அறிஞர்களின் கல்வெட்டு ஆய்வு முறை.  சமூக வரலாறு - Noboru karashima, Burton stein, KK பிள்ளை  போன்ற அறிஞர்கள் சோழர் ஆட்சிகாலத்தில் இருந்த சமூக அமைப்பு, சாதி அமைப்பு குறித்து  செய்த பண்பாட்டு ஆய்வு முறை.   நுண் வரலாறு - ஒரு குறிப்பிட கூறை எடுத்துக்கொண்டு அதனை விரிவாக்கி ஆய்வுக்குட்படுத்துவது.           பேரறிஞர் குடவாயில் பாலசுப்ரமணியன் அவர்கள் நான்காவது முறையை சார்ந்தவர். தஞ்சை பெரியகோயில், கங்கைகொண்ட சோழீஸ்வரம், தாராசுரம் ஐராவதீஸ்வரர் போன்ற பெருங்கோ...
2 comments
Read more