ழகரம்

 அட்ட  வசுக்கள்  காலசம்ஹாரர் வேதங்கள் குறிப்பிடும் அக்னியும் புராணங்கள் குறிப்பிடும் அக்னியும் இரு வேறு உருவங்கள். அஷ்ட வசுக்கள் குறித்தும் விஷ்ணுவின் சேவகர்கள், கங்கையின் புதல்வர்கள், தர்மதேவனின் புதல்வர்கள், பிரபஞ்ச பருப்பொருட்களின் உருவகங்கள் என்று பல புராணங்கள் உள்ளன.  சில நாட்களுக்கு முன் திருக்கடையூர் சென்றிருந்தபோது  வழக்கத்திற்கு மாறாக திருச்சுற்றின் திண்ணை அமைப்பில் மனித உருவங்களுடன் அமைக்கப்பட்ட 7 சிற்பங்களை பார்க்க முடிந்தது. அனலன் என்ற பெயர் மட்டுமே நினைவில் இருந்தது. நமது பைபிள் TA கோபிநாத ராவின் elements of hindu iconography புத்தகத்தில் Demi gods பக்கத்தில் தேடிகொண்டிருந்தபோது அஷ்ட வசுக்கள் பற்றிய அத்யாயம் இருந்தது. அவற்றில் ஒருவரே அனலன்.  வசுக்கள் அஷ்ட திக் பாலகர்கள், ஏகாதச ருத்திரர்கள் போல ஒரு தேவர் குழாம். சைவத்தில் இவர்கள் சிவனின் பூதகணங்கள் என்றும் வைணவத்தில் இவர்கள் விஷ்ணுவின் சேவகர்கள் என்றும் நம்பப்படுகிறது.  பாகவதத்தில், தட்ச பிரஜாபதியின் மகள் வசுவிற்கும் தர்ம தேவனுக்கும் பிறந்தவர்கள் அஷ்ட வசுக்கள் என்ற குறிப்பு வருகிறது. தயை எ...

சித்தாந்தம்  இணைய  இதழில் அடியேனின் முதல்  மொழிபெயர்ப்பு கட்டுரை பிரசுரமாகியுள்ளது.  நண்பர்கள் பவித்ரா, முத்துமாணிக்கம் மற்றும் அவிநாசி தாம்ரைக்கண்ணன் இணைந்து உருவாக்கும் சித்தாந்தம் இணைய இதழ் சைவ சித்தாந்தம் குறித்த உரையாடலை முன்னெடுக்கிறது. இந்த இதழில் மறைந்த அறிஞர் JM  நல்லுசாமி பிள்ளை அவர்களின்  studies in saiva siddhantha நூலில் உள்ள அஷ்டமூர்த்தம் ஆங்கில கட்டுரையை தமிழுக்கு மொழிபெயர்த்திருக்கிறேன்.  JM நல்லுசாமி பிள்ளை, வழக்கறிஞர், சைவ சமய அறிஞர். சித்தாந்த தீபிகா இதழில் இவரது பல கட்டுரைகள் பிரசுரமாகியுள்ளன. இவரது கட்டுரைகள்  studies in saiva siddhantha  நூலில் தொகுக்கப்பட்டுள்ளன. மூல கட்டுரை, செறிவான கச்சிதமான மொழிநடை, பல வடமொழி நூல்கள் மற்றும் சாத்திர நூல்களின் குறிப்புகளுடன் அஷ்ட மூர்த்தி தத்துவத்தை விளக்குவது.  முதல் மொழிபெயர்ப்பு முயற்சி என்பதால் அதிக உழைப்பை கோரியிருந்தாலும் முடித்த பின் நிறைவாக இருந்தது. வாசித்து திருத்தங்கள் சொன்ன நண்பர்கள் ஸ்வேதா, பவித்ரா, லால்குடி தினேஷ், முத்துமாணிக்கம் அனைவருக்கும் நன்றியும் அன்பும்....

சோழ அரசும் சமூகமும் - நூல் குறிப்பு Imperial Cholas எனும் சோழ பேரரசின் காலம் கலை பண்பாட்டு கோணத்தில் ஒரு பொற்காலம். நிலவியல் பொருளாதாரத்திலும் பல சீர் திருத்தங்கள் சோழர் காலத்தில் நடைபெற்றன. வரலாற்று ஆர்வம் இல்லாதவருக்கு கூட ராஜராஜசோழன் ஒரு superhero. பொ.யு 845ல் விஜயாலயன் தஞ்சையை கைப்பற்றியது முதல் பொ.யு 1279ல்  மூன்றாம் ராஜேந்திரனின் ஆட்சிக்காலம் முடிவது வரை 400 ஆண்டுகள் அகண்ட பாரதத்தின் பல நூறு கி.மீ  நிலப்பரப்பை ஆண்ட ஒரு அரச மரபை புரிந்துகொள்வதில் இன்னும் பல விடுபடல்கள் உள்ளன. இந்நிலையில் சோழ அரசின் ஒட்டுமொத்த சித்திரத்தையும் அதன் பல உட்கூறுகளையும் வரலாற்றுத்தன்மையுடன் விளக்கும் முக்கியமான ஆய்வு நூல் சோழ அரசும் சமூகமும்.  எ சுப்புராயலு சமகாலத்தில் சோழர் காலத்தை குறித்து பல முக்கிய ஆய்வு முடிவுகளை முன்வைத்த ஆய்வறிஞர். நொபுரு கரஷிமாவுடன் இணைந்து பல ஆய்வு கட்டுரைகளையும் நூல்களையும் வெளியிட்டுள்ளார். வலங்கை - இடங்கை பிரிவு, விவசாய நிலமுடையவர்களும் - வணிகர்களும் என்ற பார்வையை கல்வெட்டு ஆதாரங்கள் மூலம் மறுத்து இரு பிரிவுகளும் குறிப்பிட்ட சாதிப்பிரிவுகளில்லை அவை தொகுக்க...

தமிழிலக்கியத்தில் சிற்றிதழ் சூழலுக்கு நீண்ட நெடிய வரலாறு உண்டு. கறாரான அளவுகோல்களுடன் அவை தங்களுக்குள் உரையாடிக் கொள்பவை. அந்த உரையாடல்களே விமர்சன மரபை உருவாக்கி நிலை நிறுத்தின. சமீபத்தில் புக்கர் விருது பெற்ற பானு முஷ்டாக் அவர்களின் புத்தகம் நம்முடைய அளவுகோலில் ஒரு குழந்தை விளையாட்டு என்று கூட மதிப்பிட தக்கதல்ல.  பேரிலக்கியங்களை தன் சொந்த மொழியிலேயே வாசிக்கும் பெரும் பேறு பெற்ற சில இனங்களில் ஒன்று தமிழினம். அதை எத்தனை பேர் வாசிக்கிறோம் எனது பெரிய கேள்வி வாசிப்பவரும் மற்ற பண்பாட்டின் முன் அதை முன்வைப்பதில்லை.  ஆனால் நமது சாதனைகள் பலவும் இந்திய மொழிகளுக்கே தெரியாத நிலையில் தற்பெருமை பேசும் குழுவாக இன்றும் இருக்கிறோம். உலக மொழிகளுக்கும் தமிழ் பண்பாட்டிற்குமான இடைவெளியை குறைக்கும் பொருட்டு விஷ்ணுபுரம் இலக்கிய வட்ட நண்பர்கள் southboundreview என்ற வாராந்திர ஆங்கில இணைய இதழை தொடங்கியுள்ளனர். ஆசிரியர்கள் பலர் நம் நண்பர்கள். அடுத்த பத்தாண்டுகளாவது தொடர்ந்து இந்த இதழ் வெளி வரவேண்டும் என்னும் முனைப்புடன் பெரும் பணியை தொடங்கி இருக்கின்றனர்.   ஒவ்வொரு ஞாயிறும் ஒரு இதழ் வெளி வருக...

எனது கல்லூரி துறைத்தலைவர் இப்போது Pollachi Institute of Engineering and Technology கல்வி ஆலோசகராக பணியாற்றுகிறார். அவர் அழைப்பின் பேரில் Pollachi Institute of Engineering and Technology என்ற கல்லூரியில் சென்ற திங்கள் அன்று முதலாம் ஆண்டு, மூன்றாம், நான்காம் ஆண்டு மாணவர்களிடம் உரையாற்றினேன். இதை சொன்னபோது சில நண்பர்கள் ஆர்வத்துடன் என்ன பேசப்போகிறேன் என்று கேட்டனர், 2 நாட்கள் உழைத்து தயார் செய்த உரையென்பதாலும் பொதுவான உரையென்பதாலும் முதலாம் ஆண்டு மாணவர்களிடம் ஆற்றிய உரையை இங்கு எழுதுகிறேன். (இது உரையின் எழுத்து வடிவம், சென்ற வாரம் கேட்டுக்கொண்டார்கள் என்பதை, “போன வாரம் கேட்டாங்க” என்று வாசிக்கவும்)  Dear Boys and girls சென்ற வாரம் mam அழைத்து முதலாம் ஆண்டு மாணவர்களிடம் பேசவேண்டும் என்று சொன்னபோது நான் கேட்ட முதல் கேள்வி ஆங்கிலத்திலா தமிழிலா என்று, பெரும்பாலான மாணவர்கள் தமிழ் வழியில் படித்தவர்கள் அதனால் தமிழ் ஆங்கிலம் கலந்து பேசும்படி சொன்னார். முழுதும் தமிழில் பேசினாலும் செயற்கையாக இருக்கும், முழுதும் ஆங்கிலத்தில் பேசினாலும் பின் தொடர்வதில் சிக்கல் இருக்கும். மறுநாள் தான் ஒப்புக்கொண்ட...

எண்ணியிராத தற்செயல் நிகழ்வு பயணத்தின் பிரதான நினைவாக எஞ்சுவது பல பயணங்களில் நிகழ்ந்துள்ளது. புகழ்பெற்ற blogger வேலுதரன் அவர்களை துடையூர் கோயிலில் சந்தித்தது அப்படி ஒரு நிகழ்வு.  வேலுதரனுடன்  இன்றிரவு பெங்களூர் புறப்படுவதால் அரை நாளை வீணாக்க வேண்டாம் என்று கலைக்கோவனின் எறும்பியூர் துடையூர் சோழர் தளிகள் புத்தகத்தை எடுத்துக்கொண்டு துடையூர் கோயில் சென்று வந்தேன். அகிலாண்டேஸ்வரி சந்நிதியில் இருந்து வீட்டிற்கு 200 மீட்டருக்குள் தான் இருக்குமென்றாலும் ஆடிவெள்ளி அன்று இரவு தரிசனம் முடித்து வர 11 மணி ஆகிவிட்டது. காலை 6.30 மணிக்கு எழுந்து கிளம்பி பேருந்து பிடித்து கோயில் அடைய 8.30 க்கு மேல் ஆகிவிட்டது. டோல்கேட்டில் நொச்சியம் வழி செல்லும் ஒவ்வொரு பேருந்திலும் துடையூர் போகுமா என்று கேட்க துறையூர் தானே போகும் போகும் என்று சொன்ன பல நடத்துனர்களிடம் போராடவேண்டி இருந்தது. துடையூர் விஷமங்களேஸ்வரர் கோயில் சிராப்பள்ளி மாவட்டத்தில் உள்ள சோழர் கால சிவன் கோயில். சுந்தரசோழர், ராஜராஜன், ராஜேந்திரன் கல்வெட்டுக்கள் கிடைக்கின்றன. அப்பரின் அடைவு திருத்தண்டகத்தில் குறிப்பிடப்பட்டுள்ள வைப்பு தலம். கொள்ளிடத்...