ழகரம்

          தில்லை பெருங்கோயில் வரலாறு - வெள்ளைவாரனர் எழுதிய தில்லை ஆடல்வல்லான் கோயில் குறித்த ஆய்வு நூல். 1987ல் நடைபெற்ற தில்லை கோயிலின் குடமுழுக்கை முன்னிட்டு வெளியிடப்பட்ட நூல். சிற்றம்பலம், பொற்கூரை             சென்ற ஜனவரியில் ஆலயக்கலை நண்பர்களுடன் சென்ற தில்லை பயணத்தின்போது ஆசிரியர் ஜெயக்குமார் தில்லை பெருங்கோயிலை குறித்து அறிவதற்கு பரிந்துரைத்த புத்தகங்களில் ஒன்று தில்லை பெருங்கோயில் வரலாறு. இந்நூலில் தில்லையின் தொன்மம், பண்ணிசை, கட்டடக்கலை, சிற்பக்கலை, இசை, நாட்டியம் என்று பல கோணங்களில் தில்லையில் வரலாற்றை தொகுத்து ஆவணப்படுத்தியுள்ளார் வெள்ளைவாரனர் அவர்கள்.           தில்லை கோயில் உலகபுருடனின் இதயக்கமலமாக கருதப்படுவது. சைவத்தில் கோயில் என்ற சிறப்பு பெயர் தில்லையை குறிப்பது. திருமுறைகள் மீண்டும் கண்டெடுக்கப்பட்டது, சிவபெருமான் ஆனந்த தாண்டவம் நிகழ்த்துவது, சைவ சித்தாந்தத்தின் படி ஈசன் ஐந்தொழில் நிகழ்த்துவது, ஆடல்கலைகள் செழித்து வளர்ந்தது என்று பல கோணங்களிலும் தில்லை மிகுந்த முக்கியத்துவம்...

          திருத்தொண்டத்தொகை திருவாரூர் தேவாசிரிய மண்டபத்தில் சுந்தரமூர்த்தி சுவாமிகள் பாடியது.  7ம் திருமுறை, பாடல் எண்  7.039.  60 தனியடியார்களும் 9 தொகையடியார்களும் இதில் குறிப்பிடப்பட்டுள்ளனர். " தில்லை வாழ் அந்தணர் " என்று இறைவனே அடியெடுத்துக்கொடுத்த பெருமையுடையது. இதனை வழி நூலாக கொண்டு நம்பியாண்டார் நம்பியின் திருத்தொண்ட திருவந்தாதியும், பின்னர் சேக்கிழாரின் பெரியபுராணமும் இயற்றப்பட்டது.           கடந்த பெருஞ்சிவனிரவன்று கோவை ஈஷா மையத்தின் கலை நிகழ்ச்சியில் மழலைகள் பாடிய திருத்தொண்டத்தொகை ஒரு பரவச உணர்வை கொடுத்தது. குழந்தைகளின் கள்ளமற்ற தன்மை, எப்போதும் கடவுளுக்கு பக்கத்தில் இருப்பது. ஓட்டைப்பற்களும் கேமரா அருகில் வரும்போது வெட்கத்தில் குறுஞ்சிரிப்பும் குழைவுமாக பாடிய குழந்தைகளை காண்பதே நாகலிங்க பூவை கையில் வைத்திருப்பது போன்றிருந்தது .            பிஞ்சுக்கரங்களை தட்டிக்கொண்டு திரு திருவென்று முழியுடன் வரும் மழலை சொல் குழலையும் யாழையும் விஞ்சி நிற்கும். பச்சை பட்டு பாவாடை உ...

          சோழர் கால செப்பு படிமங்கள் மூலம் - I ஜோப் தாமஸ் தமிழில் தியோடர் பாஸ்கரன்.           ஆலயக்கலை ஆசிரியர் ஜெயக்குமார் அவர்கள் பரிந்துரைத்த புத்தகங்களில் ஒன்று. உலகின் மிக சிறந்த அருங்காட்சியகங்கள் பலவற்றிலும் நிச்சயம் ஒரு சோழர் கால ஆடல்வல்லானின் செப்பு சிற்பம் இடம்பெற்றிருக்கும். சோழர் காலத்தைய கலை படைப்பின் உச்சங்களுள் என்று போற்றப்படுவது நடராஜர் சிற்பம். செப்பில் செய்யப்பட்ட வார்ப்பு படிமங்கள் இன்றும் பல சிவாலயங்களில் உற்சவர் சிற்பமாக அமைந்துள்ளது.          ஒவ்வொரு செப்பு  படிமமும் முதலில் தேன் மெழுகில் செய்யப்பட்டு பின் அதை வண்டல் மண் கலந்த கலவையை கொண்டு மூடி அதை அனலிலிட்டு மெழுகை உருகவைத்து அந்த பகுதியில் ஐம்பொன்னாலான உலோக குழம்பை ஊற்ற மெழுகு இருந்த இடத்தை உலோகம் நிரப்பிக்கொள்ளும். உலர்ந்த பின் பூச்சை உடைத்து பின் சில நகாசு வேலைகள் செய்து கண் திறப்பர். இம்முறை Lost wax எனப்படுகிறது. பிரபந்த வகுப்பின் போது ஆண்டாள் பாசுரத்தில் வந்த ததைத்துக்கொள்ளுதல் என்ற வார்த்தை என்னை உருக்கி உன்னை ஊற்றுவ...

அசோகமித்திரனின் ஆகாயத்தாமரை நாவல் வாசிப்பனுபவம்.   2 3 வாரங்களாக மிக மெல்ல, அல்லது நகராது இருந்த வாசிப்பை மீட்டெடுக்க சரளமான easy read ஏதேனும் தேடிக்கொண்டிருந்தபோது புத்தக கண்காட்சியில் வாங்கிய ஆகாயத்தாமரை நாவல் கண்ணில் பட்டது.  வாழ்விலே ஒருமுறை தொகுப்பு, தண்ணீர் நாவல், மற்றும் சில  அசோகமித்திரனின் படைப்புக்களை வாசித்திருக்கிறேன். எளிமையான அதே நேரம் திடமான, முடித்து விட்டு நாம் தனியாக அமர்ந்து சிந்திக்க பல துளிகளை வழங்கும் எழுத்து அசோகமித்திரனுடையது.  பகடியும் அங்கதமும் இரு இறகுகளாக கொண்டு பறப்பவர். ஒரு சிறுகதையில் நெற்றி நிறைய திருநீறுடன் நடந்து வந்தார். எங்கே குப்புற விழுந்து விடுவாரோ என்று பயமாக இருந்தது என்கிறார். அந்த ஒரு வரியை கொண்டே நாளை கடத்திவிடமுடியும். அன்றைக்கான எல்லா சத்துக்களும் அந்த ஒரு வரியில் உள்ளன. நான் இலக்கிய வாசிப்பை இரண்டு வகையாக பிரித்துக்கொள்வேன் எனக்கு புரிதலுக்காக. முதல் வகை கற்பனையில் எட்ட முடியாத தூரத்திற்கு கதையையும் மாந்தர்களை சிருஷ்டித்து கதை சொல்வது. வெண்முரசு கொற்றவை போன்ற பெருங்காவியங்கள்  உதாரணம் . முழுவதுமாக நம்மை ஒப்புக்கொடுப...

     திருமயிலை கபாலீஸ்வரம்.           புத்தக விழா முடித்து மறுநாள் காலை சென்னையை சுற்றி பார்க்க கடற்கரை ரயில் ஏறினேன். என்னை போன்ற சென்னை வாசி அல்லாத ஒருவனுக்கு இந்நகரம் ஒரு  வரலாற்றின் பேரகராதி. கற்கால மனித நாகரீகத்திலிருந்து வெள்ளையர் ஆட்சி காலம் வரைக்கும் அறுபடாத அத்தியாயங்களை கொண்ட புத்தகம் . ஒவ்வொரு தெருக்களிலும் கட்டிடங்களிலும் வரலாற்று எச்சங்களை இந்நகரம் கொண்டிருக்கிறது.           மூன்று மாதங்கள் தொடர்ந்து அலைந்து திரிந்தாலும் பார்த்து முடிக்க முடியாத அத்தனை வரலாற்று பண்பாட்டு தலங்கள் இந்நகரத்தில் உள்ளன. அரைநாளுக்குள் இல்லம் திரும்புவதால் கபாலீஸ்வரத்திற்கு மட்டும் சென்று வர திட்டம். குளக்கரையில் இறக்கிவிட்ட ராபிடோ நண்பர் இது தான் ராஜகோபுரம் என்று சொல்லிவிட்டு சென்றார். தேவதேவனின் கவிதை ஒன்று  மார்கழி மாதம் – வேறென்ன வேண்டும்? உயிரின் உயிரைத் தீண்டுகிறது குளிர். கோலங்களில் வந்தமர்கிறது மலர். கொடியதொரு காலம். உயிரை ஜில்லிட வைத்து மரக்கச் செய்கிறது ஆரம்பத் திகில். அலங்கோலமெங்கும் தெறிக்கும் குருதி அ...

          ஆகுதி ஒருங்கிணைத்த மொழிபெயர்பாளர் நிர்மால்யாவின் ஒருநாள் கருத்தரங்கில் ஆசான் ஜெயமோகன் அவர்களின் உரையின்போது "ஒரு படைப்பு எழுதப்படும்போதே ஒரு மொழி பெயர்ப்பு நடந்துவிடுகிறது, முதலில் படைப்பு நிகழ்வது என்பது கனவில் தான், கனவிலிருந்து அரூபமான அது மொழியென்னும் ரூபத்தை அடைகிறது" என்றார். எந்த ஒரு படைப்பும் முதலில் நிகழ்வது கனவில்.           தஞ்சை பெருங்கோயிலிருந்து அஜந்தா ஓவியங்கள் வரை, எகிப்து கோபுரங்களில் இருந்து ஆனந்த தாண்டவ மூர்த்தி வரை, அத்தனை படைப்புகளும் முதலில் கனவில் நிகழ்கிறது. அதற்கு மொழி என்னும் வடிவம், எனக்கு இன்னும் கற்பனைக்கான இடத்தை கொடுக்கிறது. குதிரையில் சென்று கொண்டிருக்கும் வீரன் என்ற வரியை படிக்கும்போது நான் சோழ தேசத்து வீரனை கற்பனை செய்கிறேன், மற்றொருவருக்கு அது ராஜபுத்திர வீரராக இருக்க கூடும். இப்படி பல்லாயிரம் மனிதர்களின் கனவுகள் உருக்கொண்டு அமர்ந்திருக்கும் ஒரு கனவு நிலம் புத்தக கண்காட்சி. அறுபத்துமூவர் சன்னதியின் அடுக்கப்பட்டிருக்கும் அத்தனை செப்பு படிமங்களையும் ஒருசேர காண்பது போன்ற பேரனுபவம். ...