சித்தாந்தம் இதழ் கட்டுரை

சித்தாந்தம் இதழ் கட்டுரை - 1

சித்தாந்தம் இணைய இதழில் அடியேனின் முதல் மொழிபெயர்ப்பு கட்டுரை பிரசுரமாகியுள்ளது.

நண்பர்கள் பவித்ரா, முத்துமாணிக்கம் மற்றும் அவிநாசி தாம்ரைக்கண்ணன் இணைந்து உருவாக்கும் சித்தாந்தம் இணைய இதழ் சைவ சித்தாந்தம் குறித்த உரையாடலை முன்னெடுக்கிறது. இந்த இதழில் மறைந்த அறிஞர் JM நல்லுசாமி பிள்ளை அவர்களின் studies in saiva siddhantha நூலில் உள்ள அஷ்டமூர்த்தம் ஆங்கில கட்டுரையை தமிழுக்கு மொழிபெயர்த்திருக்கிறேன்.

JM நல்லுசாமி பிள்ளை, வழக்கறிஞர், சைவ சமய அறிஞர். சித்தாந்த தீபிகா இதழில் இவரது பல கட்டுரைகள் பிரசுரமாகியுள்ளன. இவரது கட்டுரைகள் studies in saiva siddhantha நூலில் தொகுக்கப்பட்டுள்ளன.

மூல கட்டுரை, செறிவான கச்சிதமான மொழிநடை, பல வடமொழி நூல்கள் மற்றும் சாத்திர நூல்களின் குறிப்புகளுடன் அஷ்ட மூர்த்தி தத்துவத்தை விளக்குவது. முதல் மொழிபெயர்ப்பு முயற்சி என்பதால் அதிக உழைப்பை கோரியிருந்தாலும் முடித்த பின் நிறைவாக இருந்தது. வாசித்து திருத்தங்கள் சொன்ன நண்பர்கள் ஸ்வேதா, பவித்ரா, லால்குடி தினேஷ், முத்துமாணிக்கம் அனைவருக்கும் நன்றியும் அன்பும்.

இந்த இதழில் தியான ஆசிரியர் தில்லை செந்தில் பிரபு அவர்களின் இருள் வெளி ஒளி தொடரும், தாமல் கோ சரவணனின் ஐந்தொழில், அருணாசலம் மகராஜனின் துரியம் கடந்த சுடரின் 10வது அத்யாயமும், அருணை வடிவேல் முதலியாரின் சித்தாந்த வினா விடை பகுதியும் உள்ளன. நண்பர்கள் வாசிக்கலாம்.

JM நல்லுசாமி பிள்ளை தமிழ் விக்கி - தமிழ் விக்கி சுட்டி

JM நல்லுசாமி பிள்ளை சித்தாந்தம் இதழ் கட்டுரை - https://www.siddhantham.in/2024/12/blog-post_18.html

கட்டுரை சுட்டி - https://www.siddhantham.in/2026/10/blog-post.html

Comments

செய்நன்றி ❤️✨

எனது கல்லூரி துறைத்தலைவர் இப்போது Pollachi Institute of Engineering and Technology கல்வி ஆலோசகராக பணியாற்றுகிறார். அவர் அழைப்பின் பேரில் Pollachi Institute of Engineering and Technology என்ற கல்லூரியில் சென்ற திங்கள் அன்று முதலாம் ஆண்டு, மூன்றாம், நான்காம் ஆண்டு மாணவர்களிடம் உரையாற்றினேன். இதை சொன்னபோது சில நண்பர்கள் ஆர்வத்துடன் என்ன பேசப்போகிறேன் என்று கேட்டனர், 2 நாட்கள் உழைத்து தயார் செய்த உரையென்பதாலும் பொதுவான உரையென்பதாலும் முதலாம் ஆண்டு மாணவர்களிடம் ஆற்றிய உரையை இங்கு எழுதுகிறேன். (இது உரையின் எழுத்து வடிவம், சென்ற வாரம் கேட்டுக்கொண்டார்கள் என்பதை, “போன வாரம் கேட்டாங்க” என்று வாசிக்கவும்) Dear Boys and girls சென்ற வாரம் mam அழைத்து முதலாம் ஆண்டு மாணவர்களிடம் பேசவேண்டும் என்று சொன்னபோது நான் கேட்ட முதல் கேள்வி ஆங்கிலத்திலா தமிழிலா என்று, பெரும்பாலான மாணவர்கள் தமிழ் வழியில் படித்தவர்கள் அதனால் தமிழ் ஆங்கிலம் கலந்து பேசும்படி சொன்னார். முழுதும் தமிழில் பேசினாலும் செயற்கையாக இருக்கும், முழுதும் ஆங்கிலத்தில் பேசினாலும் பின் தொடர்வதில் சிக்கல் இருக்கும். மறுநாள் தான் ஒப்புக்கொண்ட...

தில்லை அகப்பயணம் ✨ 🤍

தில்லை கிழக்கு கோபுரம் ஆலயக்கலை ஆசிரியர் மற்றும் நண்பர்களுடன் ஜனவரி 17-19, 2025 ஆகிய தேதிகளில் சிதம்பரம், கங்கைகொண்ட சோழபுரம் பகுதிகளுக்கு சென்றுவந்த பயணக்கட்டுரை. தில்லை அம்பலம் என்பது ஆதி சன்னிதானம். திருவாசக வகுப்பிலும் ஒவ்வொரு வழிபாட்டிலும் ஒற்றை இறகை போல நாவில் வந்தமரும் சொல் திருச்சிற்றம்பலம். சைவர்களுக்கு அம்பலத்தாடும் இறைவன் முது மூத்தோன். மார்கழி விட்டு வைத்த பனி மிச்ச மீதியாக காற்றில் உறைந்திருந்தது. பிற்பகல் 1.30 மணிக்கு சிதம்பரம் ரயில் நிலையத்தில் குழுமி அங்கிருந்து தங்குமிடம் செல்வதாக முடிவு. ஆர்வ மிகுதியில் நான் தனியாக ஒரு சுற்று சென்று வரலாமென்று காலை 5.30 மணிக்கு மத்திய ரயில் நிலையத்தில் ரயிலேறி 7.30க்கு சிதம்பரம் சென்றுவிட்டேன். பயணம் முழுக்க இளம்பச்சை போர்வை இருமருங்கிலும். தஞ்சாவூர் நிலையத்தருகில் பெருவுடையார் கோயில் விமானம், மாயவரம் தாண்டும்போது மயூரநாதர் கோயில், வைத்தீ...

குடமுழா குடவாயில் பாலசுப்ரமணியன் நூல்குறிப்பு

குடமுழா - நூல் குறிப்பு இந்திய வரலாறு குறித்து ஆய்வு முறைகள் 4 நிலைகளை கொண்டது. எழுத்தாளர் ஜெயமோகன் குடவாயில் பாலசுப்ரமணியன் குறித்த பாராட்டு விழா உரையில் தமிழக, இந்திய வரலாற்று எழுத்தின் முறைகளை இப்படி குறிப்பிடுகிறார். காலனியதிக்க வரலாறு - James Miller, JH Nelson போன்ற ஆங்கிலேயர்கள் இந்தியாவை குறித்து எழுதிய புறவயமான ஆய்வு முறை தேசிய வரலாறு - இந்தியர்கள் KA நீலகண்ட சாஸ்திரி TV சதாசிவ பண்டாரத்தார் போன்ற அறிஞர்களின் கல்வெட்டு ஆய்வு முறை. சமூக வரலாறு - Noboru karashima, Burton stein, KK பிள்ளை போன்ற அறிஞர்கள் சோழர் ஆட்சிகாலத்தில் இருந்த சமூக அமைப்பு, சாதி அமைப்பு குறித்து செய்த பண்பாட்டு ஆய்வு முறை. நுண் வரலாறு - ஒரு குறிப்பிட கூறை எடுத்துக்கொண்டு அதனை விரிவாக்கி ஆய்வுக்குட்படுத்துவது. பேரறிஞர் குடவாயில் பாலசுப்ரமணியன் அவர்கள் நான்காவது முறையை சார்ந்தவர். தஞ்சை பெரியகோயில், கங்கைகொண்ட சோழீஸ்வரம், தாராசுரம் ஐராவதீஸ்வரர் போன்ற பெருங்கோ...

ழகரம்

Search This Blog